އަލަނާސި ތާސީރު

އަލަނާސި މިބަސް އުފެދިފައިވަނީ އ.ލ.ނ.ސ މިތިން އަކުރުންނެވެ. މީގެތެރެއިން ފުރަތަމަ ދެއަކުރު ގުޅުވައި އަބަ ފިލި ޖަހައިފިނަމަ ކިޔޭނީ އަލައެވެ. އާދެ އަލަ އެވެ. އަލައިގެ ތެރޭގައި އަލަ އާއި ކަހަނަލަ ހިމެނެއެވެ. އަލަބޭނުންކުރެވެނީ މާލޭގެ ތަކެތީގެ ބާޒާރުގައި ވިއްކުމަށާއި އަލަ ޕިރިނި ހެދުމަށާއި "އަލައި ގަރޮފަތަފޮޅި" ހެދުމަށާއި އަދިއެއިން ހިތިކެއްކުމަށައެވެ. ދެން އޮތީ ނާސި އެވެ. ނާސި މިއީ ދިވެހިރާއްޖެ ކިޔާ މީސް މަދު ކުޑަ ކުޑަ ގައުމެއްގައި ޒާމާންތަކެއްކުރިން ވެރިކަމުގެ ކިއްލާގައި އުޅުނު އެނދި މަރިޔަމޭކިޔާ ރަސްކަންކުރި އަންހެނެއްގެ ވެރިކަމުގެ ކިއްލާ ވެފައިވާގޮތް ރަމްޒުކޮށްދޭ ބަހެކެވެ. އިތުރުމައުލޫމާތު ހޯއްގެވުމަށް ދިވެހިބަހާ ތާރީޚަށް ހިދުމަތްކުރާ ގައުމީ މަރުކަޒުގެ ރައީސް އައްބާސް އިބްރާހީމާއި ގުޅުއްވުން އެދެމެވެ. (ފޯން 7637470) ބަހުގެ މައިގަނޑު މިދެބައި ގުޅުމުން ވެގެން ދަނީ އަލަނާސި މިބަހަށެވެ.

އަލަނާސި މިބަހުގެ ލަފްޒީމާނައަކީ ގަހަކަށްނުވާ އެކަމަކު ގަހޭކިޔާ ބާވަތެއް ކަމުގައިވާ ސުތުލި، ކޭ އަދި ރާނބާ ފަދަ އާއިލާކަށް ނިސްބަތްވާ ބާވަތެއްގެ ގަހެއްގައި އަޅާ މޭވައެކެވެ. މިމޭވާ ނިކުންނަނީ ގަހުގެ ބޮންތިން މައްޗަށްވާގޮތަށް ބޮޑު ދާފޯއްޔަކާ ވައްތަރުކޮށް އެހެންނަމަވެސް އޭގެ ކޮޅުގައި މީއީ ބަރަކާތްތެރި އެއްޗެއްކަމުގައި ދައްކުވައިދޭ ގަހުހެ ކުޑަނަކަލެއް މިފޯލީގެ މަތީގައި ހިމެނޭ ގޮތަށެވެ.

އަލަނާސި މިބަހުގެ ލުޣަވީމާނަ ނިސްބަތްވަނީ އަލަނާސީންގެ ރާއްޖެ، އަލނާސިވިލާތަށެވެ. މިއީ އަލަނާސި ކަލާންގެ އަށް އީމާންވާ ބައެކެވެ. މިއީ ވަރަށް މަސައްކަތްރެރި އަލަނާސިއަކު ދިރިއުޅޭ ރަށެކެވެ. މިމީހުންގެ މައިގަނޑު މަސައްކަތަކީ އައްޗަންކުރުމެވެ. މިމީހުން ބަނޑުފައިވީމަކައެވެ. ނިދިއައީމަ ނިދައެވެ. ކަރުހިއްކީމަ ފޮންބޮއެވެ. އެހެންކަމުން މިކަންތަށްތައް ހިމެނިފައިވަނީ އަލަނާސީންގެ ތަފާތު ސިފަތަކެއް ކަމުކައެވެ.______________ރިޕޯރޓް ޝެހެނާޒް އަބްދުއްރަހްމާން